醫生資料

男 。 腦外科 。 尖沙咀 。 私人執業    8 4
馮正輝 Fung Ching Fai
好評 8     0 負評
專科 専科類別 腦外科   
地址 地址 九龍尖沙咀堪富利士道8號格蘭中心1705室
電話 診所電話 2724 3166
診症時間 診症時間 星期一 ︰ By Appointment
星期二 ︰ By Appointment
星期三 ︰ By Appointment
星期四 ︰ By Appointment
星期五 ︰ By Appointment
星期六 ︰ By Appointment
電郵 cffung1@i-cable.com
按此放大地圖




醫評

共8篇醫評, 正顯示第 1 - 8 篇醫評

TineTine
共1篇醫評
求診日期: 2018-01-07
費用($): $800
疾病/求診原因:
腦瘤
仁心醫術 神級技術
評論日期 : 2018-02-04

我因頭痛嘔吐,入法國醫院照 MRI ,證實腦內有血管母細胞瘤,壓迫著腦幹,隨時有生命危險,立時須入ICU 。

遇上馮醫生,經驗豐富,行內很知名的。星期日早上, 他看過我的報告後, 建議立刻做手術。從分析病情中,他的自信誠懇, 讓家人有絕對 嘅信心,交給他處理我這個複雜嘅腦手術個案。 而從經濟上嘅安排, 馮醫生亦處處為我們考慮, 行政上安排合理嘅收費。

手術十分成功, 開刀埋線位都極完美,我嘅康復亦比預期快。 感謝神 讓我們遇上這位頂尖及盡責嘅醫生, 每天早上八點,晚上九點多,都見到他巡房, 日中更有數不盡的病人、手術及行政要處理。唯有真正仁心方可如此堅持每天不辭勞苦,爭分奪秒去救人!

作為病人及家屬,當您遇到仁醫之時, 請尊敬及絕對信任醫生,乖乖遵守他們的指引, 不要輕易挑戰醫生嘅決定或建議, 加重他們嘅壓力, 否定他們醫治病人嘅仁心、信心。

再一次多謝馮正輝醫生!!

kingsley
共1篇醫評
求診日期: 2014-08-13
費用($): $280000
費用附註:
每次診金1000
疾病/求診原因:
腦瘤
仁心仁術的醫生
評論日期 : 2015-02-12

得知家人腦內有瘤, 找了很多醫生, 亦看了數個腦科醫生, 覺得馮正輝醫生最有經驗,信心及醫德, 醫生認為要做腦手術及化療... 最後在找政府醫生及私家醫生做手術有一點猶豫, 但最後也決定找馮醫生做, 因為明白錢係好貴,但係冇得搵命搏... 腦科手術後家人復原得好好, 好感謝馮醫生, 佢真係仁心仁術, 希望多D人知道呢個好醫生.

will
共1篇醫評
求診日期: 2013-07-01
費用($): $90000
疾病/求診原因:
頸椎問題
馮正輝醫生真的好好
評論日期 : 2013-07-17

親人年紀大, 最近忽然四肢冇力, 曲背, 一兩個月之間忽然不能走路, 懷疑是頸椎問題所致, 急需醫療.

起初去看政府醫生, 全無效果可言, 只叫他做物理治療, 且照磁力共振要排期數月. 親人四肢冇力行動相當不便, 但政府醫生全無治療, 亦沒有說是甚麼問題, 簡單來說, 就是叫你回家而不會告訴你發生甚麼事, 亦不關心病人的行動不便.

後來親人因腳冇力致摔倒, 實在没辦法, 只好自己去私家照磁力共振, 之後再由朋友介紹去看很出名的馮正輝醫生.

馮正輝醫生完全明白病人有甚麼問題, 他說要做手術才會解決頸椎問題, 亦好清晰說出風險所在.

至此, 才清楚知道問題所在. 但因為實在有必要 (四肢完全冇力) 所以決定做手術.

手術真的很成功, 術後手腳已即時感到有了一點力量, 幾天後可用腳架輔助走路.馮正輝醫生果然是一好醫生.

而相信馮醫生因親人年紀大而減收了費用, 因為如果收足全費, 以馮醫生如此出名, 必定要十數萬.

真的感謝馮正輝醫生, 真的醫德醫術俱備

jack
共1篇醫評
求診日期: 2012-08-08
費用($): $1300
疾病/求診原因:
中風
老人家輕度中風
評論日期 : 2012-08-20

有日大伯係屋企忽然頭有D痛, 坐低後起身又頭暈, 而且行路好似行唔到直線, 於是急急腳送左佢去醫院, 醫生話佢係輕度中風. 一個星期後出院, 我地就再搵左馮正輝醫生follow up.

馮醫生都出名細心同好人, 而檢查亦好仔細, 覺得佢真係好好同有醫德. 我大伯亦好放心俾佢follow. 唯一係老人家冇買醫保, 診金方面有點吃力. 但中風係好難咁快斷尾, 都冇計, 唯有政府私家醫生兩邊follow.

peggy_wong
共1篇醫評
求診日期: 2012-02-21
費用($): $1000
疾病/求診原因:
腦科疾病
不可多得的腦科醫生
評論日期 : 2012-05-13

馮正輝醫生係腦科不可多得的好醫生.

之前個腦有事, 好唔開心, 就係睇馮醫生. 佢有醫德, 俾到信心人. 佢雖然係腦外科(專做手術), 但我完全唔覺得佢係為做手術賺錢而叫我去做手術, 返而係倒返轉同我講唔做手術既原因. 所以想介紹呢個咁好既腦科醫生俾大家知, 並順道多謝佢.

Davies
共1篇醫評
求診日期: 2011-11-23
費用($): $500
疾病/求診原因:
腦科
好專業既醫生!
評論日期 : 2011-12-22

馮醫生原來係呢科好出名, 之前我個仔撞到個頭話個腦有d唔舒服, 我地好鬼緊張, 我都係人地介紹, 就帶佢去檢查.

醫生幾好, 好細心, 有d似心理輔導員, 令到我地兩公婆好放心,

好在佢問完診, 檢查完後好有信心咁話我地個仔冇事, 佢既專業態度令人放心

雖然最後其實佢冇特別俾藥或者其他野醫我個仔, 但佢既專業診斷已經值返晒!

偉明
共1篇醫評
求診日期: 2011-10-19
費用($): $500
疾病/求診原因:
腦內壓
有醫德, 有醫術
評論日期 : 2011-11-07

馮正輝腦外科醫生真係好好, 好有醫德, 係我遇過最有heart, 最關心病人既醫生, 所以希望係呢度表揚佢.
有次同爺爺去覆診 (腦內壓問題, 令佢有時會頭痛), 同之前一樣, 都係好多人等, 證明佢係一個好醫生, 有好多病人等.

等左好耐, 都有d唔耐煩, 但係入到去,就明白點解人地話佢好: 解釋詳細, 有心機, 任你問, 慢慢同你傾, 講到你明為止, 仲有, 佢會同你講下笑, 令氣氛和洽好多. 阿爺唔係咁中意睇醫生, 都對佢讚不住口… 我諗呢個都係一個主原點解等咁耐d人都會等…

當然, 佢既醫療效果都好好, 阿爺治療後都好左好多, 醫生都話有需要先再覆診

總結, 就係一個好好的醫生.

Meilai
共1篇醫評
求診日期: 2011-08-29
費用($): $600
疾病/求診原因:
腦科
推介的腦科醫生
評論日期 : 2011-09-23

我之前行路唔係好行到直線, 值間中有d頭暈, 同醫生朋友傾過, 佢話叫我最好睇下專科醫生, 仲介紹左馮正輝醫生俾我.
見到馮醫生, 佢問診問得好詳細, 好少見d醫生咁有耐心, 真係覺得佢好"專業". 經檢查後, 發現我個腦入面有d氣泡(真係好恐怖), 所以影響到行路. 後來醫生同我講話其實好多人都有, 只要唔惡化就冇問題, 現階段亦不須做手術. 佢亦好詳細咁同我講左個情況, 以安我心.
我覺得馮醫生好專業同有醫德, 係一位好好既腦科醫生.



會員電郵  
會員電郵  
下次自動登入     忘記密碼