醫生資料

男 。 物理治療師 。 旺角 。 私人執業    8 1
張煒燁 Zhang Wei Ye, Richard
好評 8     0 負評
專科 専科類別 物理治療師   
地址 地址 九龍旺角彌敦道655號胡社生行1901室
電話 診所電話 3583 5933
診症時間 診症時間 星期一至三、五 : 10:00 - 14:00 ; 15:00 - 20:00 ; 星期六 : 09:00 - 13:00
專業資格 物理治療學碩士(運動學) ; 物理治療學(榮譽)理學士 ; 註冊物理治療師(英國) ; 註冊物理治療師(香港) ; 物理治療針灸文憑 ; 認可針灸物理治療師
電郵 evangelphysio@gmail.com
其他資料 以心物理治療針灸中心 (Evangel Physiotherapy & Acupuncture Centre) ; 網站:www.evangelphysio.com
按此放大地圖




醫評

共8篇醫評, 正顯示第 1 - 8 篇醫評

Sim LCY
共1篇醫評
求診日期: 2019-02-28
費用($): $650
疾病/求診原因:
嚴重拗柴
100分!但睇佢一定要準時到~~
評論日期 : 2019-04-29

係朋友介紹下來睇張醫師,我係嚴重拗柴,一路係第二度都醫唔好,都係經佢診治後終於好返可做運動。

係網上好奇search下發現原來佢都真係好評如潮,張醫師既用心,知識,技能我諗係呢度都唔駛多講。

不過唯一美中不足既地方係去睇佢一定要準時,因為張醫師的booking真係好爆,前後既時間book滿其他病人。

如果遲到兩三個字,佢已經會打俾你話唔駛去了。因為佢話唔想敷衍去hea任何一個病人,寧願唔賺筆診金都想維持好既質素。

所以如果約到佢,一定要準時去睇呀。

Jackie
共1篇醫評
求診日期: 2019-01-10
費用($): $650
疾病/求診原因:
頸痛,牙較痛,手麻痹
名不虛傳,有料又有心
評論日期 : 2019-02-21

我做左文書工作幾年,頸膊痛,再導致牙較和手都痛到難以正常生活。睇過其他脊醫,物理治療師都無乜大幫助。

最後在同事強烈推薦下,去到以心物理治療度睇張醫師試試。

張醫師的booking好滿,在放工時間好難得先約到,都感謝佢咁忙都收左我呢個新症。佢個人好friendly又有活力,幫我檢查有別於其他治療師,詳細到每節關節每塊小肌肉,再解釋俾我知要令平時俾抑制既肌肉重新學會發力,才可以治本,減低平日工作對關節的壓力。

佢好有耐性幫我手法治療,和制定肌肉鍛煉進程,我本身對自己病情都幾心灰意冷,以為自己唔會好得返,但跟住張醫師制定的治療方案,真的逐漸有進步,一個月的時間痛症竟然已經少左9成。

我好感謝佢,佢真係名不虛傳,有料又有心,如果有痛症難解決真係建議睇佢。

RebeccaT
共1篇醫評
求診日期: 2018-05-25
費用($): $650
疾病/求診原因:
膝傷
精準診斷好幫到我!
評論日期 : 2018-11-09

我之前係旅行中扭到膝頭,係外國睇過當地醫生,同埋返到香港睇過普通科醫生都認為係拉到條筋腱,但食左一排消炎藥後,膝頭都係好似成日kick住,活動唔順暢。

有朋友話搵張醫師睇過膝頭好專業,於是來到求診。佢同其他醫生好唔同,好有耐性,用左差唔多20分鐘時間幫我詳細問症檢查,最終懷疑我係後十字韌帶撕裂導致小腿骨平台唔穩,叫我去睇骨科照MRI,照左後果然證實佢既診斷係啱既。

而家我已經做完韌帶手術,係張醫師診所度進行緊復康治療,進展好快好順利,好多謝佢既精確診斷救左我隻膝頭。

Fannie
共1篇醫評
求診日期: 2018-02-01
費用($): $650
疾病/求診原因:
十字韌帶手術康復
超有心及富經驗既治療師
評論日期 : 2018-07-08

十字韌帶手術後康復

感恩遇上好醫生,希望其他人同我一樣得到好治療

我從來都唔寫呢d野,不過我覺得我今次要寫,因為我想其他人斷左十字韌帶嘅人都可得到一個好嘅康復。遇到夾自己而又好嘅治療師唔易,我之前就經骨科醫生轉介過一個流水作業式嘅物理治療診所,淨係做電療,超聲波,冷敷,踩下單車就算,我以為咁就係正常物理治療程序,點知眼見我隔離個同事,同我一樣都做左手術,點解佢好得咁快,又好快可以做到簡單運動呢?

經同事介紹,就去見左Richard, 佢好細心幫我檢查,更幫我定下一d 康復嘅目標,要按時達到,又會用手幫我整個膝頭,比d 練力嘅運動我,令我對個膝頭,同做返運動有返d 信心。。我唔知點多謝佢,希望佢一直都可以咁樣用心去幫人。

Doris Mak
共1篇醫評
求診日期: 2018-01-09
費用($): $650
疾病/求診原因:
多年腰背痛
超級專業,手法治療一流。
評論日期 : 2018-04-26

腰背痛症已經好多年,日常生活,拎下手袋都開始有困難。睇過好多地方唔同既醫師,但係旺角以心物理治療張生呢度先真正解決到個問題。

張生幫我從頸到尾龍骨,再到下肢逐節詳細檢查,從未有其他醫師咁仔細。

佢發現我問題不單是腰背,膝頭和盆骨的位置和肌力先係主因,在張生的治療和運動計畫下,糾纏左我好多年既問題終於消失左,真係好感激佢,真係一個好好既治療師。

Chloe Leung
共1篇醫評
求診日期: 2018-03-22
費用($): $650
疾病/求診原因:
椎間盤突出,脊柱側彎
腰痛,遇到好好治療師
評論日期 : 2018-03-30

我有脊柱側彎很多年,加上最近啱啱又整到條腰,照左係椎間盤突出,係以心物理治療睇左張生,佢幫我做左手法矯正,針灸,和儀器治療,並且教左我幾個level既運動以循序漸進;只睇左4次,我就由行都行唔到變成可以返返工,真係感恩!
張生係診所雖然好多病人,但聽到佢對每個病人都詳細耐性解釋;在我做完治療時,有位行動不便,聽力不好既老人家來治療,張生亦是十分耐性問症,顯出佢既醫德。如果有痛症推薦睇佢!

Gordon Ng
共1篇醫評
求診日期: 2018-02-12
費用($): $650
疾病/求診原因:
肩周炎
手到病除!
評論日期 : 2018-03-05

我做gym時肩部受傷了幾個月,做過針灸推拿不能根治,睇完物理治療師Richard三次後已好了9成。
原來之前的針灸醫師斷錯症,Richard檢查十分認真,指出我肩胛骨移位的問題,用手法和儀器治療後,有重獲新生感覺。
另外佢都有教我各種運動,現在做gym的磅數仲勁過受傷之前了! 如果有運動受傷一定睇Richard。

Soman Law
共1篇醫評
求診日期: 2017-07-05
費用($): $600
疾病/求診原因:
坐骨神經痛
細心,有料好醫生
評論日期 : 2017-07-28

腰傷之後坐骨神經痛困擾已久,之前睇骨科醫生診所附設的物理治療師度睇左6次,幾乎沒有好轉,事後覺得因為果邊只做standard治療,沒有深入檢查問題所在。

在朋友介紹下睇左以心物理治療的治療師Richard Zhang, 佢真係好細心檢查,從腰檢查落腳底,終而發現我腰既問題和膝頭,腳底都有很大關聯。

治療兩次後已康復5成,跟住張生教既運動練習一段時間之後,8次治療之後已經好返9成以上,之後張生叫我唔駛覆診住,只需要跟住佢設計既運動計劃循序漸進練習即可。佢一d都唔會拖症,治標更治本,十分推薦。



會員電郵  
會員電郵  
下次自動登入     忘記密碼