醫生資料

男 。 外科 。 尖沙咀 。 私人執業    6 0
楊孝祥 YEUNG HOW CHEUNG, GUSTUS
好評 6     0 負評
專科 専科類別 外科   
地址 地址 九龍尖沙咀堪富利士道 8 號格蘭中心 1306 室
電話 診所電話 2832 7139
診症時間 診症時間 星期一 ︰ 1000-1300; 1500-1800
星期二 ︰ 1000-1300; 1500-1800
星期三 ︰ 1000-1300; 1500-1800
星期四 ︰ 1000-1300; 1500-1800
星期五 ︰ 1000-1300; 1500-1800
星期六 ︰ 1000-1300
專業資格 香港大學內外全科醫學士 1986
英國愛丁堡皇家外科醫學院院士 1990
香港醫學專科學院院士(外科) 1993
香港外科醫學院院士 1993
電郵 gy@surgery-clinic.com
按此放大地圖




醫評

共6篇醫評, 正顯示第 1 - 6 篇醫評

黃小姐
共1篇醫評
求診日期: 2018-10-31
費用($): $70000
費用附註:
甲狀腺全切除及淋巴切除
疾病/求診原因:
甲狀腺乳突癌
楊孝祥醫生 好醫生 專業 醫術好 有醫德
評論日期 : 2018-11-02

我於今年4月時摸倒頸右邊淋巴腫起咗少少,一直沒有理會,直到9月睇感冒時醫生要我去檢查,10月中確診甲狀腺乳突癌,並已轉移咗去淋巴,耳鼻喉科醫生從保險公司名單中找到一專科醫生介紹給我做手術,於是立即約見,醫生態度冷漠,他摸了我頸的淋巴,就講解手術要點做,開幾多刀,手術費幾多,話仲要揾多一個醫生幫手,問我做唔做,由於對這個病沒有認識,正所謂六神無主,當然聽醫生話立即排期做手術喇,由於醫院無期,手術安排半個月後做。於此期間,同事叫我睇多個醫生攞多啲意見,他們都介紹咗一啲醫生給我,但恰巧都放緊假,於是上網睇吓醫評同討論區,無意間發現楊醫生的醫評好好,於是打電話約見,去到診所,見到成柜同牆壁都擺滿感謝牌,當時已覺得自已找對了醫生,見到楊醫生後,醫生表現自信,經驗豐富,睇咗檢查報告後,再免費幫我掃描檢查多一次,好詳細解釋比我同我先生聽我的病情,又劃圖向我地解釋甲狀腺癌手術及風險,手術會點做,傷口幾大,甲狀腺癌同其他癌症的分別,手術後約見腫瘤科的建議及安排,同之前睇的醫生有好大的差別,之前的醫生睇完後對病情及手術都好令人不安,心情沉重,但聽完楊醫生解釋後,我同我先生覺得成個人都輕鬆晒。果然,手術後,瞓咗幾個鐘後已回復精神體力,已可飲食,傷口仲好細,非常感謝楊醫生。雖然仍未出院,但先分享給大家,因為能夠找到一個好醫生,對病人嚟講算是不幸中之大幸,願祝患病的朋友脫離病苦,早日康復。

JASON2003
共1篇醫評
求診日期: 2017-02-23
費用($): $0
費用附註:
唔肯收我費用
疾病/求診原因:
懷疑甲狀腺問題
好人好心地的醫生
評論日期 : 2017-02-24

近排條頸唔舒服同時又摸到有粒野,朋友曾經有甲狀腺問題佢懷疑我都係,約左睇楊醫生佢觸診之後話我摸到粒野只係骨冇問題,甲狀腺冇唔正常,同埋聽我講完唔舒服地方之後,佢話都市人生活環境空氣差,好多有我咁既問題安慰我先唔好咁擔心,想再詳細啲檢查就要去耳鼻喉專科照鏡,堅持唔肯收我診金,因為檢查左都有啲時間我都好唔好意思,最後我要求下佢介紹左個耳鼻喉醫生比我,真係打攪晒佢

我諗佢咁出名應該都有原因,我覺得佢係真正醫者父母心的仁醫

Kynashan112
共1篇醫評
求診日期: 2016-04-12
費用($): $70000
費用附註:
手術費
疾病/求診原因:
甲狀腺瘤切除
楊孝祥醫生 專業 好醫術 醫德高尚 神醫魔術手
評論日期 : 2016-11-04

本人既媽媽,因4月時照到甲狀線有腫瘤,要切除後,先監定良性與否,前後見過數位醫生,連手術日期都定了,但媽媽竟臨手術前,落荒而逃更私自偷偷地把手術推掉,令我 束手無策, 萬分擔憂,幸好於網上聞楊醫生 醫術精湛 且很多倍受好評的醫史,心裏抱一線希望,终 遊說媽媽前往就醫,得病以來 就鬱鬱寡歡 既媽媽,見完楊醫生,面上竟重現了笑容,而且仲有勇氣說要接受手術,把自己交给楊醫生,當時我對楊醫生真係萬分 感激,定好手術日子,當天约2个半小時既手術同時,亦驗出是良性瘤,手術非常成功,手術後並無何不適,很快已經可以 飲食自如,於醫院休息一晚第二天早上便可回家,一个星期到己可覆診拆線,拆線時更是最精彩難忙,姑娘笑說醫生懂變魔術,果然手術疤竟细得,不仔細望都不能看見,如姑娘說的醫生用魔術手,把手術疤變走了……

Kynachong
共1篇醫評
求診日期: 2016-04-12
費用($): $40000
費用附註:
净手術費
疾病/求診原因:
甲狀腺手術
甲狀腺單边腫瘤切除
評論日期 : 2016-04-19

楊醫生我們全家都為你的專業而致敬,真係好多謝你幫我媽咪做呢个甲狀線手術,因為有楊醫生既專業解說,言語間充滿自信,而且仔細精簡易明,才令我媽咪充滿力量,鼓起勇氣面對手術,手術不但非常成功,康復進度亦好理想,疤痕又唔大,媽咪從見楊醫生開始才面上有回了笑容同希望,真係好多謝同感激楊醫生你

syin
共1篇醫評
求診日期: 2014-07-23
費用($): $70000
疾病/求診原因:
甲狀腺手術
楊孝祥醫生, 好的外科醫生
評論日期 : 2015-03-24

之前睇左幾個醫生, 因為要做手術, 所以搵多幾個醫生意見, 最後都係覺得楊孝祥醫生係最好, 細心, 有耐性,
會詳細解說, 而且佢有好多病人給的appreciation, 所以最後搵左楊醫生做, 係法國醫院做左7萬幾, 割甲狀腺,
手勢幾好, 傷口埋得好, 又唔係好痛, 做完手術後副甲狀腺無問題, 感謝醫生的治療.

jiali
共1篇醫評
求診日期: 2013-11-27
費用($): $40000
疾病/求診原因:
甲狀腺腫瘤
外科手術好醫生
評論日期 : 2014-03-12

外科手術好醫生楊孝祥好值得推介, 我有甲狀腺腫瘤問題, 經醫生診斷, 要開刀, 佢有話如果到時如果發現有問題係惡性會切埋周邊的有問題组織,做乾淨D唔使煩。感覺佢好有經驗,唔會亂講,手勢亦好好,傷口埋得好好,所以先分享給大家。



會員電郵  
會員電郵  
下次自動登入     忘記密碼