醫生資料

女 。 婦產科 。 佐敦 。 私人執業    12 2
胡海寧 WOO HAI NIN, HENNIE
好評 9     3 負評
專科 専科類別 婦產科   
地址 地址 九龍彌敦道331號高信大廈2樓B座
電話 診所電話 23322170
診症時間 診症時間 星期一 ︰ 1000-1300; 1500-1800
星期二 ︰ 1000-1300; 1500-1800
星期三 ︰ 1000-1300; 1500-1800
星期四 ︰ 1000-1300; 1500-1800
星期五 ︰ 1000-1300; 1500-1800
星期六 ︰ 1000-1300; 1500-1800
專業資格 香港大學內外全科醫學士 1995,
英國皇家婦產科醫學院院士 2000,
香港醫學專科學院院士(婦產科) 2003,
香港婦產科學院院士 2004
按此放大地圖




醫評

共12篇醫評, 正顯示第 1 - 10 篇醫評

Mimi5432
共1篇醫評
求診日期: 2016-09-17
費用($): $980
費用附註:
超聱波檢查
疾病/求診原因:
普通檢查
服務態度差
評論日期 : 2016-11-22

入到去醫療室剩係叫你訓底, 就直接做超聱波檢查, 之前無詢問因由, 回答態度差,孚蜆了事, 沒有建議比我, 睇完好似無睇禁, 收費重禁貴, 無下次

Bella1217
共1篇醫評
求診日期: 2016-03-08
費用($): $4060
費用附註:
超聲波,化驗
疾病/求診原因:
婦科檢查
解釋詳細,讓人安心
評論日期 : 2016-03-09

去見胡醫生是因為月經不調和經常下腹痛。胡醫生會先問清楚我之前的病歷(要是有什麼報告,圖,文件,她都會看的)然後就是形成病灶的各種有可能的成因,解釋化驗的費用。當我覺得沒問題時,才做檢查。個人覺得抽分泌物一次過抽和做好幾種化驗,總比分開幾次好。所以就一次過抽。照超聲波胡醫生會解釋在屏幕上看到什麼,而不像我之前看的醫生,什麼都不說。最起碼讓我知道是什麼是比較重要。一星期後看報告。

Threekids
共1篇醫評
求診日期: 2015-01-01
費用($): $1000
費用附註:
檢查
疾病/求診原因:
產檢
手勢一流
評論日期 : 2015-06-25

我生三胎都係睇胡醫生。產前檢查及產後檢查都溫柔體貼。她十分了解我呢D高齡產婦的心情,肯花時間俾專業意見。
胡醫生手術的手勢一流。我一出醫院已經不須要再食止痛藥(我係一個超級怕痛的人)。
佢非常慬慎,其實慬慎細心總好過一D求求其其的醫生!以今時今日的生活水平,胡海寧收費一D都唔過份。

tammy1119
共1篇醫評
求診日期: 2015-01-16
費用($): $1150
費用附註:
診金+乳房檢查+陰道超音波
疾病/求診原因:
月經不調
醫生耐心丶細心
評論日期 : 2015-01-19

月經一向唔多準同黎經時間有點長既我,一直都有求醫,但其他醫生只會開荷爾蒙藥,唔會檢查唔會了解。今次第一次睇胡醫生,因為網上評價很好,所以就預約。11點去到,差不多等了一小時,入到房胡醫生就好有耐性咁問問題,了解之後就按我需要,再建議我做咩檢查。檢查過程雖然有少少唔舒服,但都感覺到胡醫生的細心,檢查完再詳細分析,絕對唔會似某啲醫生咁想趕你走,係值得推薦既醫生!

P.S.係某個姑娘比較情緒化

szewanwancy
共1篇醫評
求診日期: 2014-12-19
費用($): $4500
疾病/求診原因:
多囊卵巢
千萬咪幫襯
評論日期 : 2015-01-14

話說我因為經期唔準去睇醫生,予約時個姑娘話大約500-1500元,去到同醫生講完,檢查,之後佢話要抽血驗,抽一支血化驗竟然要2200元化驗費,由於根本無得選擇,所以就逼住就範,個醫生話如果血報告係多囊卵巢既話就唔會打俾我,因為中間夾左聖誕節,佢話大概29號先有報告,第一次睇醫生已經要3080元。同個姑娘講既錢差成一倍,我已經失晒預算。帶左2000元去,仲要再落去銀行拿錢先夠。
之後無端端23號打電話黎,話我份報告出左問題,叫盡快約時間再睇,個心已經驚緊,究竟出左咩事,問個姑娘,佢話賀爾蒙唔正常,叫我盡快黎,講到我好似就死咁,我跟住就約左24號上午睇,點知,個姑娘隔左一個鐘再打黎,同我講話今日5點有位,你不如即刻黎,當時個心驚到真係唔識講,但因為反緊工,所以點都要第二日先去到,當晚我媽媽,老公同我成晚都擔心到瞓唔到,老公仲怕我有事。專登請假同我去,怕真係有咩事我會支持唔住,到24號上午,入到去見醫生,佢同我講我血報告無問題,係有些念珠菌,所以先打電話俾我,我即刻同個醫生講,你十萬火急叫我反黎就係同我講睇念珠菌?我周圍搵個家庭醫生睇都得啦,個醫生仲要開左6粒塞約加1粒口服藥,收我880元,要俾錢事小,但無可能用呢種手法騙病人反去覆診,怪唔得成個上午都係得1-2個病人睇,祝佢真係早日執笠,唔好再害人。

connie
共1篇醫評
求診日期: 2014-03-26
費用($): $1790
費用附註:
超聲波+pap smear+藥費+化驗費
疾病/求診原因:
婦科感染
醫生好專業好友善!
評論日期 : 2014-03-26

因為怕尷尬,所以都係搵返女醫生,上網見好多人都讚胡醫生好好,細心又有耐性,即日打去book好彩仲有一個位,好好彩,姑娘話攝比我架咋~入到去見醫生,胡醫生好有耐性咁問診,又解釋得好詳盡,亦會問返好多相關問題,比我感覺好友善,唔尷尬,傾左都有3,4個字先檢查,檢查期間醫生手勢好好,冇唔舒服,亦有一邊檢查一邊講解,檢查完再交代會比咩藥同點用,之後就出去等拎藥,成個見醫生同檢查過程都有約40分鐘,等唔算耐,我覺得胡醫生好好,好專業又有耐性,值得推介比其他有需要既人!

Rosabella
共1篇醫評
求診日期: 2010-07-15
費用($): $1000
費用附註:
只檢查
疾病/求診原因:
婦科檢查
一個只顧賺錢不負責任的「醫生」
評論日期 : 2013-06-04

剛看到如此一個不負責任的「醫生」竟然可以有如此高的排名心中感到莫名的憤怒故此不能不把幾年前的不快經歷說出來:2010年暑假時我女兒因經期過長回港求醫(此人由我小姑介紹因女孩子由女醫生檢查會比較沒尷尬)診症期間只讓我女兒一人入內,經過一輪檢查後我女兒一臉驚慌的出來告訴我要立即去恆成大廈一個男醫生診所檢查胸部說它有點"lumpy",要用針穿刺取組織!我女兒萬般不願意而我更嚇至魂不附體(連我先生也由中環立即趕來)因為不知會否同乳癌有關,到達後經醫生一輪檢查後說沒事啦但要付$2000+診金!我女兒差點要哭出來,當天一共花了$3000+但其實我想說的是:醫生不是要有父母心,有醫德的嗎?除了花錢之外是否應該考慮一下作為父母當時的心情會是何等焦躁不安呢?!後來我才知道原來我小姑也做過刺針這檢查!也是根本一點問題也沒有的呢!至2011年底我小姑有卵巢癌,腫瘤有9cm大,可是這個沒醫德的人說不能跟進她的case只能給她寫轉介信去另找醫生!!試問在如此危急又徬徨的時候此人也可置病人於不顧又怎能稱得上為一個醫生!我的case最多只是虛驚一塲及損失金錢而已但我小姑可是會隨時送命的呀!奉勸各位如有比較嚴重及危急的婦科問題時要千萬小心好好選擇一個負責任的醫生否則後果堪慮!

Winnielee
共1篇醫評
求診日期: 2013-01-09
費用($): $1200
疾病/求診原因:
婦科檢查
溫柔仔細的婦科醫生
評論日期 : 2013-06-02

呢幾排身覺得月經來得很多, 又黎得長, 同埋之後有D斷斷續續間中仲有血, 大概都持續左有半年, 加上又到期要做婦科檢查, 有朋友看過胡海寧醫生, 話佢好友善, 做檢查好仔細, 所以就BOOK左一個時間。她的時間有點難就, 我多數都要請假先睇到佢, 不過都係一次, 就將就一下啦。

去到診所, 冇乜人, 等左15分鐘左右就到我, 入去之前要先留小便的, 我問點解要留, 姑娘話以防要留, 所以先留左D小便, 如果睇完冇事, 就會掉左佢。我一入去冇同佢講我的問題, 我只是話做婦科檢查, 醫生問左一堆問題, 係D基本問題例如有冇食煙飲酒習慣呀, 有冇懷過孕呀之類, 我亦幫朋友問左一D關係婚前檢查的問題, 她見我咁問, 就問我是否想懷孕, 跟住又講左好多有關懷孕的事, 如果想懷孕有乜野要準備之類, 都差不多傾左成半小時呀, 才開始做檢查。

她做檢查會邊做邊講, 她的手勢很好, 亦很顧及我的感受, 無整痛我, 跟住她問我經期來得多唔多, 會否斷斷續續唔斷, 我很驚呀, 問她我是否有問題, 她說之後會再解釋, 到檢查完, 她說子宮內有個小小的瘤, 這些瘤會導致我月經量多的問題, 叫我半年後再番去CHECK, 觀察下生長速度, 到睇完出來, 發現睇左45分鐘! 可能因為我是LAST APPOINTMENT, 所以會搞咁耐。

我覺得胡醫生其實係好友善, 有別於一般的醫生, 多數是比較COOL的, 你有問題, 佢會好詳盡咁回答你, 有關其他事的, 只要你問, 佢都會答, 我會推薦佢比其他人, 由其是做婦科檢查, 我覺得做檢查一定要做得好仔細, 要好細心咁問問題, 唔係有乜問題都發現唔到, 做黎都嘥氣啦, 加上她的手勢真係好好, 唔會令我覺得唔舒服, 所以我會推薦比其仔有須要的人。

Slivia
共1篇醫評
求診日期: 2012-11-21
費用($): $1200
疾病/求診原因:
婦科檢查
解說很詳盡的醫生
評論日期 : 2012-11-29

一年一度的婦科檢查, 今次搵左胡海寧醫生, 因為見網上對她的評價頗高, 所以就試一試吧, 如其他人所說, 胡醫生是很親切, 講解很詳盡, 檢查前已經坐低講左一輪, 就好似朋友傾談一樣, 我問O既問題, 她都好樂意解答, 到做檢查時, 佢都好溫柔, 不過她是一路做超聲波一路講野的, 但不是講關於檢查的事, 她問我有沒有打子宮頸癌針, 亦提醒左我想問的問題, 但一路檢查一路講其他事, 感覺有D怪怪地... 到最後檢查完佢就講解番佢檢查到的問題, 整個檢查用左成半個鐘有多, 其實之前在其他醫生到做, 只係15-20分鐘左右, 仲有就係覺得醫生好似好年輕, 雖然是戴住口罩, 但覺得佢D口吻好似好年輕, 總括黎講, 佢都係一個唔錯的醫生!

joysi
共1篇醫評
求診日期: 2012-08-21
費用($): $800
疾病/求診原因:
產前檢查
胡醫生好好!
評論日期 : 2012-08-21

婦產科胡海寧醫生真係好好架! 我睇過幾個女醫生, 都係覺得佢最好.

佢都幾細心同有耐性, 每次睇好耐 (雖然都等好耐!) , 因為佢都問得幾仔細. 價錢就一般啦, 唔係特別平

個人覺得佢值得推介



會員電郵  
會員電郵  
下次自動登入     忘記密碼