醫生資料

男 。 婦產科 。 尖沙咀 。 私人執業    4 2
冼世源 SIN SAI YUEN
好評 4     0 負評
專科 専科類別 婦產科   
地址 地址 九龍尖沙咀彌敦道132號美麗華大廈1810室 (翹康醫務中心 PRESTIGE MEDICAL CENTRE)
電話 診所電話 27221712
診症時間 診症時間 星期二 ︰ 1000-1300; 1500-1900
星期四 ︰ 1000-1300; 1500-1900
星期六 ︰ 1000-1300; 1500-1900
敬請預約
參考診金 參考診金 $400-$600
專業資格 香港大學內外全科醫學士 1987
香港醫學專科學院院士 (婦產科) 1996
香港大學醫療科學碩士 2000
香港婦產科學院院士 2002
英國皇家婦產科醫學院榮授院士 2006
使用醫院 仁安醫院; 香港浸信會醫院; 聖德肋撒醫院; 養和醫院
按此放大地圖




醫評

共4篇醫評, 正顯示第 1 - 4 篇醫評

Littlepearl
共1篇醫評
求診日期: 2012-10-17
費用($): $600
疾病/求診原因:
產前檢查
Nice doctor
評論日期 : 2012-11-01

我係搵冼世源醫生做產檢O既, 但就O係政府生, 醫生好好架, 次次都會同我傾偈, 又會教我點同健康院助產士講番我個情況, 可能因為我係特殊情況, 佢會印番D超聲波片比我帶番去健康院, 不過最唔好就係要等好耐, 我有時試過要等兩個鐘!! 不過值得一提就係佢收費都算合理!

tortor
共1篇醫評
求診日期: 2012-10-04
費用($): $2700
疾病/求診原因:
照結構
推介推介
評論日期 : 2012-10-24

上個月5號去左搵冼世源醫生照結構, 其實我都唔識佢, 係另一個睇開一個產檢醫生REFER我去O既, 其實冼世源收費不平的, 照結構要成$2700, 不過佢真係好專業, 細心到不得了, 落位準, 解釋清楚, 有問必答, 態度友善, 已經總括了冼世源的優點, 同埋睇完有5張相同報告比番你, 如果一早搵到呢個醫生, 我直頭搵佢接生添啦~

legomomo
共1篇醫評
求診日期: 2012-08-16
費用($): $500
費用附註:
上列是每次產檢費用
疾病/求診原因:
緊急開刀生囡囡
表揚冼世源醫生
評論日期 : 2012-08-28

囡囡已於8 月16日晚上緊急開刀出生,生完就掛8號風球(啟德)。今日是囡囡的第十二朝,好想在此同大家分享我的慘痛生產過程(政府)及表揚冼世源醫生。我們夫婦倆對冼醫生的專業及仁心醫德心存感激。
早在懷孕初期,我預約了伊利沙白醫院同仁安醫院,打算到最後才決定開刀定順產。除了照超聲波外,我所有的檢查,包括照結構、飲糖水等,冼醫生都叫我在QE做,省些錢。即使我向他表示,我希望在QE順產生時,他不但沒有變臉,更叫我不用介意這些事情。

由於妊娠糖尿,胎兒的size體型偏大,到38周,BB已經有7 磅 5-7安士,一直打算順產的我,擔心BB 太大生唔出,開始考慮開刀;冼醫生在產檢時,摸到BB頭已有1/3 落咗盆骨,而且盆骨夠大,所以他安慰我每周監察BB size,如無問題應該可以順產生;而QE產檢醫生也認為順產沒問題,但因妊娠糖尿的關係,怕BB繼續大,風險大,建議在預產期當天入院催生。

一波三折,到第39周,身體生蛇,我不能到私家覆診照超聲波;在伊院被隔離下,進行基本產檢,並安排40周入院。8月14日早上8點入QE,由於宮頸未成熟,需要每天塞藥一次,令宮頸軟化及成熟,才可上產房滴催生藥催生。所謂宮頸成熟,是指三方面:一,宮頸長度;二,宮頸鬆緊度;三,宮頸門口(膜)的厚度。塞完藥的反應因人而異,有d 人一塞完就即刻可以上產房。

我一共塞咗兩日藥。早上九時多塞藥,下午1點半開始痛。由盤骨開始,由下而上,一直到後腰,係持續不斷痛,到最後加上陣痛,大約5-8分鐘痛一次,痛咗七個鐘後,開始見紅,但冇晒痛。到第二日再塞藥,這一天非常痛苦。由下午1:30痛到第二朝,兩分鐘痛一次,每次痛一分鐘!結果成晚坐係度,痛到瞓唔到。我問姑娘有冇止痛藥或能否送我上產房止痛,但姑娘話產前病房規定,唔可以用藥物止痛,我惟有靠一部電流機仔止痛,但已經痛到嘔同打冷震。姑娘幫我再check宮頸,如果開咗一度,都可以即刻上產房,可惜還是0度!!

就係咁痛到第二朝16號,醫生話宮頸熟,雖然係0度,都可以上產房滴催生藥。我喊住同醫生講,可否開刀生,因我已經痛咗17個鐘,冇晒力,佢話唔可以,話吊藥催生時,可要求無痛分娩,或者用產鉗。我再問,要吊幾耐藥先算催生失敗而開刀,醫生話要十幾個鐘。咁我冇得揀。結果那天因為產房人多,我中午十二點先上到產房,一心諗住老公陪產,如果我有任何情況,老公幫我即刻要求開刀。但我被安排至雙人產房,老公不能陪產.....我再問,咁無痛分娩?D姑娘無答,已經推我上產床,等醫生來人工穿水開始催生......由於我太驚,同埋真係痛到無晒力,醫生一嚟到,我立即要求終止催生。跟住醫生要求我簽同意書證明係我要求終止程序,又講咗好多令人好驚的說話(什麼胎死腹中,終止催生的後果,佢地唔負責)。但我已經決定一心轉院,去仁安開刀。

離開產房後,馬上聯絡冼醫生,把我的情況告訴他,並要求開刀。他說話不多,問我最後幾點食過野後,便說替我安排當晚緊急開刀。下午天文台已宣布晚上改掛八號風球,我心想,希望能安排到,即使醫院或醫生要收附加費,我也不理了。最後安排到晚上九點開刀,BB順利在9: 21分出世。

冼醫生的醫術,我一直都略有所聞,但這次我深深體會他的醫者父母心。進行半麻醉手術中,我看不到手術的過程,但他們的對話,我聽得很清楚。有位姑娘問冼醫生,為何安排我當晚緊急動手術呢?冼醫生的回覆是:佢已經塞咗D藥,痛咗好耐,如果再咁樣痛下唔痛下成晚,對佢同BB都唔好,唔放心。那一刻,我很感動。即使當晚颱風襲港,但收到我的電話後,仍不計較,並安排我在對上一次進食後最快可以動手術的時間去進行,盡顯仁醫心腸。

上病房後,剛好有另一位媽媽也是冼醫生的病人,從她口中,我知道冼醫生收的醫生費。到我出院時,我發現醫生沒有收取任何附加費。上星期六,回仁安診所覆診時,我問冼醫生,如果繼續留在QE吊藥,宮頸最後成功開晒而順產的機會有幾高,他說機會不大,並說這是子宮功能失調的症狀。我們夫婦倆連聲向他道謝,冼醫生只紅著臉說,這是他該做的事,並說笑道,幸好趕及十時前完成手術!因為十時後的手術,仁安要再收取額外附加費。冼醫生在安排手術時間時,連這一點也想到了!謝謝你,冼醫生!

sisi
共1篇醫評
求診日期: 2012-03-18
費用($): $600
疾病/求診原因:
產前檢查
e生真係好細心好好人
評論日期 : 2012-04-03

想講冼世源e生真係好有醫德.

老公同我去產檢時, 我地已講明未必會搵佢接生, 因為費用是一個很大的考慮. 但佢完全冇話唔高興, 亦冇話一定要搵佢生, 反而仲話政府生都好好等等.

令我地覺得佢唔係淨係想搵錢的e生, 而且佢態度好有善感同關心人, 檢查都好仔細.

推介的好e生!



會員電郵  
會員電郵  
下次自動登入     忘記密碼