GooDoctor

星期日搵兒科，因亞仔成晚咳唔想拖，但星期日真係好難搵，去到baby kingdom search 到趙醫生，好多人讚，都係少兒氣喘問題，話睇一次就ok,所以等左兩個幾鐘都試下（好彩又預約到）這，多人睇要等得耐總有原因，趙醫生斷證準，我無講亞仔的病歷，但佢已知亞仔有鼻敏感（以往醫生都係估估下），解釋詳盡，令我感覺好安心， 開藥就亞仔食左一次，好明顯少左咳同咳都再無痰聲！ 未知是否真的睇一次好得番（因為只食左到次藥），但也大力推薦 （s:不過真係等好耐，建議自己先去掛號，之後回家接細路再去，或去尖沙咀行下街仔；p)

趙長成兒科醫生好出名, 我個仔都係搵趙長成食輪狀病毒疫苗, 醫生唔使收診金, (但係我朋友話其他有D醫生食輪狀都會收診金的), 而且我覺得趙醫生咁出名, 收呢個價係好合理. 唯一缺點係等左超過一個鐘, 所以我覺得服務係可以改善

仔仔肚屙左兩個星期啦，時好時壞。
睇左一次兒科醫生開左藥，食左三日，係屙少左，但過幾日又屙過。
咁啱健康院覆診，問健康院個醫生係咪前乳多乳糖（我餵人奶嘅）得濟搞到咁，佢夠膽死同我講無嘢、正常，真係吹脹！
我緊係唔信，即刻電話睇dr. Chiu~
真係lactose intolerance 囉！
Dr. Chiu 重同我解釋點解仔仔無端端會lactose intolerance。好清楚易明！

除左開一般肚屙藥，佢比左d Lactose-free 奶粉比bb試飲，又開左d肚痛水同panadol 比bb 以防萬一，真係太周到啦！

我同之前個兒科醫生講話我覺得bb好似有d肚痛，佢同我講係咁架啦，無嘢搞，真係嬲！

相反，Dr. Chiu 叫我要同bb massage 下肚仔，又教我呢樣個樣！

佢診症方法好得，bb唔會驚架，佢係同bb玩、抱抱嘅過程已經make左diagnose~

OMG, love Dr. Chiu very much!

唯一缺憾係要排隊好耐，起碼一粒鐘，同埋個度好焗～

我想講趙醫生真係好好, 我個女支氣管炎, 我朋友介紹左一個醫生比我, 但佢比好多藥, 有成6隻藥, 仲有抗生素! 我唔想佢咁細個就食咁多藥, 所以帶左佢去睇趙醫生, 趙醫生只係比左3隻藥, 冇抗生素, 食左4日就好番!!!! 不過趙醫生診所好多人架, 要等好耐!

之前我個仔病左, 我搵左一個兒科專科醫生睇, 佢話我個仔好嚴重, 又話要抽痰又話要入院, 我都照做, 跟住出左院仲要我日日去覆診, 仲話要繼續抽痰成個星期, 我覺得好唔合理, 馬上轉左去睇趙長成, 趙醫生話覺得抽痰對個病幫助唔大, 佢唔會抽痰, 就咁比左D藥阿仔食, 連覆診都唔洗, 阿仔就好番! 我覺得趙醫生醫術真係好高明, 斷症又準!

我朋友介紹趙長成醫生好好架，我囡囡有氣管敏感，諗住去睇趙醫生。於是打去診所預約明天，個姑娘話得番一個時間，咁我都約左，點知準時去到都係要等，不過就無等得太耐，所以大家最好要預先預約會較好。佢D藥都好有效架。

我昨日先睇完趙醫生，我今次都係第一次睇，我9:15打電話，姑娘話已full晒，咁我話聽日有冇位啦，佢話全日都得，跟住我再問番姑娘今日係咪真係冇位，我話其實我今日幾多點都得架，因我BB真係咳得好厲害，姑娘好好人，佢俾我攝咗11:30個位我睇，但我都要成差唔多13:00先見到醫生。Anyway, 佢地好有醫德，依家BB都冇咁咳了。

我仔仔昨晚發高燒，燒到104度，我聽聞趙長成醫生睇兒科幾好，但係要等好耐，於是我一早9am便到達診所，不過已經有十幾人輪候中，要先去登記，再等2個鐘先有得睇。不過，趙醫生真係好好人，好有耐性聽我講述病情同講解俾我聽D藥嘅作用。

小朋友間唔中感冒發燒, 都係要睇返趙醫生. 因為等得耐, 之前睇過其他都係麻麻, 最後都係要帶佢睇返呢個醫生. 佢都係因為好先要等得耐, 冇計.

BB好耐都去唔到便便. 醫生很有耐性的, 細心解答我地, .醫生睇完話佢D腸臑動好好冇問題, 開左小小藥, 仲話係冇副作用. 後來BB有番便便, 我地安樂晒.